Civismu y otros eufemismos

Nota: Artículo publiqué en la edición del 26/09/09 de Oviedo Diario sobre las ordenanzas de “civismo” que pretende aprobar el Ayuntamiento de Oviedo.

L’Ayuntamientu d’Uviéu, dende la so estaya de Seguridá ciudadana ta acabante de dar anuncia del so proyeutu de redacción d’una normativa de civismu, asemeyada a les que yá esisten en ciudaes como Barcelona o Ciudad Real, onde se recueyen lo qu’eses corporaciones municipales estipulen como comportamientos cívicos o socialmente aceptables. Hasta equí tamos toos d’alcuerdu, nuna ciudá ye básicu intentar algamar un civismu que mos permita una convivencia pacífica col restu conciudadanos. El problema vien cuando eses regles mínimes de convivencia rocen o superen l’absurdu p’algamar un estatus de ridiculez estrema o cuando sirven d’escusa pa dar cobertura a determinaes cuestiones ideolóxiques y políticamente incorrectes que necesiten un marcu llegal que les tapeza.

Coses absurdes como les que pasen en Ciudad Real, onde ye sancionable dende aconceyase en grupu na cai anque seya pa falar porque s’obstaculiza’l tránsitu hasta el correr o saltar pol mesmu motivu. Nin la Ilesia se salva de la quema nesa ciudá onde inclusu les procesiones sufren d’esta normativa tan rídiculamente absurda que van ser multaes si-yos cae cera de los cirios nel pavimentu. En resume 350 posibles infracciones a cual más ridícula coles que van tener que lidiar los ciudarrealeños polo que paez ser un civismu totémicu ya inflesible.

Como suel pasar, cuando se falen de coses absurdes, Asturies nun suel quedar lloñe y concretamente Uviéu ye ún de los municipios onde suelen impulsase los proyeutos y polítiques más absurdes o temeraries, quiciabes por esi espíritu de la Vetusta ciudá, un fechu diferencial que fae d’esti municipiu carne d’esperimentos xeneralmente cuestionables. Anguaño ta en procesu de redacción esti proyeutu col que se pretende, en pallabres de la conceyala de Seguridá ciudadana Conchita García, “regulalu too”. El Gran Hermanu llega a la capital del Principau y ta dispuestu a quedase y tar sollerte de que los uvieínos seyan cívicos y socialmente responsables o, polo menos, lo que l’Ayuntamientu d’Uviéu cree que ye ser una persona de bien y cívica.

El problema ye lo qu’esi Ayuntamientu considera cívicu ya incívicu. Pala señora Conchita García ye incívicu’l pegar cartelos o pancartes pela ciudá, polo que podríemos resumir que tamién ye incívicu polo tanto la denuncia, la protesta y la llibre espresión d’idegues, espresiones culturales o actividaes qu’escapen a les oficiales del establishment, de la Zarzuela, de la Ópera, la hípica ya otres actividaes y pensamientos populares del ciudadanu mediu uvieín. Pala señora conceyala tamién ye incívica la probeza, la esclusión social, la marxinalidá. Na ciudá de los Masaveu, de Fernando Alonso o del adoptivu filósofu ex-progresista Gustavo Bueno nun ye almisible que les clases más desfavorecíes intenten disfrutar d’esi derechu fundamental que ye el de la vida que pa muncha xente pasa por poder, dende actividaes non regulaes, ganase’l drechu a comer cada día. Con esta normativa dase cobertura precisamente a les actitudes más escluyentes, racistes, xenófobes ya intransixentes ya que se llegaliza la persecución de la prostitución, de la venta ambulante, de la indixencia. La conceyala de Seguridá ciudadana paez establecer lo incívicu d’un manteru, d’una puta, d’un ensin techu, con esi raseru hipócrita col que munches veces dende’l primer mundu tapamos les nueses miseries. Con esta ordenanza atácase precisamente a los eslabones más débiles de la nuesa sociedá, implantando la idega de que la probeza o la necesidá de la xente inmigrante por atopar un trabayu que-y permita sobrevivir, inclusu dende la prostitución o la venta ambulante, ye daqué incívicu.

Pa munchos nun ye incívicu qu’una muyer tenga que vender el so cuerpu pa poder vivir o qu’un manteru tenga que tar a la intenperie tolos díes anque llueva pa sacar cuatru duros vendiendo música hortera, pa munchos lo incívicu ye que mientres esa xente tien qu’hipotecar la so vida por un poco de futuru, haiga que ver como logros les millonaes que los bancos saquen inclusu con crisis mientres hai xente que malvive durmiendo nos sos caxeros automáticos, o de les cíviques señorones que paseen los sos bisones pela cai Uria a poques calles d’ú dalguna nixeriana tien que vender la so dignidá en fracciones de media hora, o del cívicu espectáculu de gastar dineru públicu y medios pal dantéscu, cutre y kitsch espectáculu que tolos años trae a la nobleza a entregar unos premios a unos metros de onde esos manteros durante l’añu sufren l’acosu policial por intentar sacar cuatru duros pa comer y aguantar un día más.

Anuncios

Deja un comentario

Archivado bajo Actualidad, Asturies, Política

Responder

Introduce tus datos o haz clic en un icono para iniciar sesión:

Logo de WordPress.com

Estás comentando usando tu cuenta de WordPress.com. Cerrar sesión / Cambiar )

Imagen de Twitter

Estás comentando usando tu cuenta de Twitter. Cerrar sesión / Cambiar )

Foto de Facebook

Estás comentando usando tu cuenta de Facebook. Cerrar sesión / Cambiar )

Google+ photo

Estás comentando usando tu cuenta de Google+. Cerrar sesión / Cambiar )

Conectando a %s